Aduiii yaaaiiii... Comacam eden nak boli...

Kek Ghombau ni ha. Tongah makan ghuti tolow dongan dal campor kari. Poghut dah lapa, sodap gak ghaso eh.

Toghingat kek angan-angan eden. Kok botow eden jutawan, banyak bondo yang eden boli. Bukan apo, nak ngaso. Bukan nak menunjuk-nunjuk doh!

Tompi apo yang eden akan sambar dulu, bolun tau laie. Banyak bonar yang tobayang kek pikighan eden ni hah.

Yang pasti eh, Harley!

Eden minat botow kek mutu ni. Bukan nak bawak lolaju, tompi nak enjoy yo. Start.... bodontum-dontum bunyi eh. Bila di poghah trottle eh tu.....bodotap-dotup bunyi enjin eh. Aduiii yai.... bodotap-dotup gak jantung eden kali. Tu yang gogham yo ghaso eh tuh.

Lopeh tu, eden nak boghonti kojo. Eden nak buek ektibiti lain. Pagi bangun somayang subuh, lopeh tu anta anak eden poie sokolah. Balik tu singgah boli sughat kaba. Dapek yo sughat kaba, singgah plak minam. Relaaaaxxxxxx yooo.......

Keto.... eden ghaso ghamai yang tak cayo ni. Banyak-banyak keto kek dunio ni, eden paling minat....VAN. Tak kigho brand apo doh. Venette bulih, Econovan bulih, Bongo pun bulih, LiteAce pun bulih yo........ muahahahaha.......

Sent by Maxis from my BlackBerry® smartphone

Momulo eden nak buek ap....

Eden kengkadang tu tomonung gak mikey an. Kok adolah duit bojuta, apo yang nak eden buek dulu? Ehmmm.....

Ghaso eh lah kan.... Momulo eden lansai an utang-utang eden dulu. Utang umah, utang keto, utang kad palstik, utang kek kengkawan dan cemacam utang laie laaaa.

Lopeh tu kan, eden nak molabor. Eden nak kasik ponoh ASB eden. Kan apo, eden maleh nak bogasak caghik duit laie doh. Kok dah ado tu, nak jadi an ibu duit lah. Pokok tak maun abih tompi kountungan mesti ado gak la.

Tompi eden tak do lah nak main saham kek BSKL. Risiko tinggi. Main ASB yo dah la. Lopeh tu eden nak boli saham Bank Rakyat. Kawtim la dongan mano-mano, kok ado yo oghang nak jua, eden sambar. Dapek yo 15% kountungan sotawun. Cukup la tuuuuu.

Sambey tu, nak gak lah bokobun, boladang. Molo ayam itik duo tigo ekor. Kambing, kucin.... Itik pun ndak yo kali...... Muahahaha......

Sent by Maxis from my BlackBerry® smartphone

Boghapo banyak?

Agak eh lah kan.... boghapo banyak duit kito dalam bank, baghu bulih dapek gola'an "Jutawan"?

Katolah kito ado RM1juta dalam ASB, bulih tak paggey kito "Jutawan"? Kok banyak nilah simpanan kito, dongan keuntungan kek 7%, kito dapek lah RM70k sotahun. Banyak tak tu? Kigho dapek bolanjo dalam RM5k yo sobulan.

Kok eden la..... lon jutawan laie doh. Eden ghasolah kan, kok ado dalam RM5juta baghulah ado ghoman jutawan. Bayang an lah, bulih bolanjo RM25k sobulan.....weeeeee haaaaaaaaaa........... Aboih... cam koboi lak yo!

Tompi, ini pondapat eden yo lah. Oghang lain mungkin lain pulak pondapat eh kan. Eden tak kisah lah tuuu. Lantak dioghanglah nak kuar pondapat camano pun...... muahahahahaaaaa.........

ps/
Ado kawan eden janji, kalau dio dapek duit duo bilion, dio akan bogi kek eden satu bilion.......besh gak ni. Koghang ingatk lah kan....bulih panggey 'Jutawan' tak kok ado duit banyak tuuuu........ : )

Meh sini kok nak dongar angan-angan eden!

Salam sumo eh. Eden tak do haghap bona oghang baco blog ni. Sajo yo eden buek untuk layan minda eden sondighi.

Alamat blog ni 'edenjutawan.blogspot.com'. Sodap la bunyi eh, tompi eden bolun jutawan laie doh. Ontah bobilolah nak jadi eh tu.

Kok dikaji botow-botow lah, ghaso eh, memang tak do harapan la eden ni nak jadi jutawan. Umor dah masuk kolas veteren, tompi simpanan langsung tak do. Nak jadi jutawan.......ehhmmm.... Jauh panggang daghi apiiiii!

Tompilah, eden totap tak putuih haghap dongan Allah Taala. Dio kok ondak eden jadi jutawan, sokolip mato pun dio buleh bogi!

Sent by Maxis from my BlackBerry® smartphone