Ponek....

Aduiii yaiiii..... Ponek!
Cen tu lah kalau makan gaji. Cadang an nak relak yo tompi mano plak nak cokau fulus bilo nak pokono teh tarik....

Eden skang ni memang muak botowlah kek kojo. Tu la.... Lon yo dapek jadi jutawan laie ha. Ni yang tension ni. Ghambut dah putih dah dek mikir an comacam hal.

Ali Debidsen pun lon dapek. Kok ado leh poie jenjalan. Pom.. Pom.. Pom.... Besh gak eh kan?

Paling tak pun dapek AirBlade ko sobijik....cukuplaaaaa....

Honda AirBlade

Aaaa...teh halio dah sampaoi.......

Van!

 Eden memang minat botow kek van. Sobab eh..... Ontaahhhhh..... Yang eden tau, eden ghaso soghonok naik van.

Van camno gak eh yang sosuai tu..... Eden ghasolah kan....
... Giar Auto. Maleh eden nak main gear doh. Dah tuo. Ponek! Tompi kok ado yang cantik, gear manual pun bulih yo!
... Enjin 1.8 cukup laaaaa
... Kusi bok sampai bolakang. Manolah tau kok ado lak oghang nak naik!
... Sport rim
... Tayar sodohano lebar. Sais 205 cukuplah ghaso eh.
... Ekon boh duo blower la. Cian oghang dok bolakang tu...
... Musti tinggi cam 4x4. Bukan apo, sonang nak parking bilo poie jenjalan. Kok dah todosak bona tu, panjek yo paking ateh devider.

Naik van ni ghaso lapang. Nampak koliling. Enjin van ni plak kuek. Bawaklah ghamai camano pun. Sonyum yo poie eh. Kalau yang giar manual, giar tu ghaso macho, kogheh, solid. Tak macam giar Saga. Bilo tolak masuk mano-mano giar pun, cam ghaso tak masuk giar yo.....

Slow-slow caghiklah kengkawan lain yang minat van gak. Payahlah nak dapek sobab kobanyakan oghang suko keto sport dan MPV. Tompi musti ado..... pelan-pelan caghik la!

Laie pun kan, eden ghoma bilo mikir an, kalau naik van ni, tak do sapo nak pandang. Eden bukan nak caghik glamour! Nak idup aman tentoram yo!

Eeeee.....bessshhhhh........

Nak Poie Umrah dan Poie Aji

Kito ni oghang Islam. Biasola tu. Kok dah ado duit, memang toghuih toghingat nak poi Mokah. Momula buek umrah dulu. Lopeh tu haji plak nyusow.

Bilo poie umrah eden nak bawak bini dan sumo anak-anak eden. Eden tak ondak bawak oghang lain lu doh. Biar eden anak-boghanak yo dulu.

Buek umrah, lopeh tu poie plak ziarah mano yang patut. Eden nak poie tompek-tompek jojak Rasul kali. Biar dapek di soghap an dala hati ni pojalanan dan pojuangan nabi-nabi zamam dulu.

Kok ado lobih, nak bosodokah bawak soghagho-magho yang lain, tu eden akan buek kendian.

Poie haji pun eden nak yo. Tompi eden nak poie pekej baik punyo. Bukan apo, joki kalau Allah dah bagi, eden kalau bulih tak ondak kodokut doh.

Laie pun eden nak soleso. Biar sonang eden nak boribadat dongan khusyuk dan ponuh kosyukuran.

Aduhai....tu lah angan-angan eden......

Sent by Maxis from my BlackBerry® smartphone